|
U CUNTI
CA TI CUNTU Dunqui stu
cunto ca ti cuntu ti l’haiu a cuntari, tu cunta quanti voti tu
cuntai e s’iddu scoppi n’terra forsi forsi sunnu assai
L’atra vutazza u suli era all’acqua niscivu pi ghirimi a vagnari e
‘ncuoccio a to cummari…..l’acqua ru cielu e l’acqua ri l’occhi
n’acqua sula faciamu nna ddi beddi pumi e na surgiva di: “ahi ahi e
puviredda di mia” ci niscia di dda vucca tira vasi
Mi dici: “di l’argia mi vulò l’aceddu, vulissi accattari un
picciriddu e maritarimi un tauru picciutteddu”
Iò chi quannu ‘un sugnu fissa, sugnu babbu pricisu p’un diri minchia
annivatu l’avia caputu magari magari i tri dulura ra cummari….qual’era:
la iargia, l’aceddu e u scettu i maritari….unn’era a vuci ru
cardiddu chi ghiava circannu e mancu a razza ru passiru giallu e du
pittirrussu, ca si li vasi lassanu pinni ‘ntu mussu (accussì si rici)
E po’ n’ ci ‘a facìa a cummari ra cumarca ri parrinari….e c’amu a
fari comu l’armali: u masculu cala e a fimmina avi accattari?……Mah?
Pi l’aceddu e u picciriddu vi pozzu aiutari, si circati puru maritu
iu un sugnu né ruffianu né sinsali
Idda du voti un su fici diri e dintra pinsava: “ si po’ prima ri
pasqua pu sposaliziu un ci nesci nenti, Vartuluzzu mè, pi mè frati e
i mè parienti tu u capriettu addiventi”
Setti! Quanti? Setti! Allora no! Facemu quattordici cammisi st’arraggiata
mi fici surari e forsi si vuleva cumplimintari quannu mi rissi: “
Forsi chi forsi ti vulissi maritari….” Seeee c’a po’ fari….
Iò n’ cunfruntu a idda paria spraticu e ‘ntamatu e mi sapi chi l’aceddu
ri prima ‘unn’era scappatu, ma l’armaluzzu ‘n’mienzu i cosci ra
cummari muriu agghiaccatu
Ora un sicunnu prima ri fari un picciriddu chi m’assumigghia niscivu
di iargia ri focu pì respirari e u ciuri chi vuleva a cummari un ciù
potti abbivirari….
Rapiti cielu sta sdisangata a tutti i santi si misi a gastimiari, ca
puru Lucifaru sa signalò: “A ttia biedda…se a ttia…Unn’haiu nenti r’insignari”
A mia mi rissi: “Scimunitu ri guerra chi cumbinasti? P’una cosa sula
m’accuntintasti? Dopu ‘na iurnata i trasi e nesci già ti stancasti?”
Cummaruzza bedda moriri ‘nni tò vrazza fussi ‘na gloria e un vantu
E capaci chi l’amici mi facissiru puru martiri e santu
Di la morti c’ogni masculu addisìa iu ‘un mi scantu
Ma tò cucinu Jachinu è mastru chi cuteddi e picuraru ricircatu
A tanti agneddi prumittienti i cosìddetti c’ha tagghiatu
Ecco a fini c’un vulissi fari cummaruzza bedda: chidda ru castratu!
|
| traduzione
IL RACCONTO CHE TI RACCONTO
Dunque, il racconto che ti racconto te le devo raccontare, tu conta
quante volte te l’ho raccontato e se ti ritrovi per terra
probabilmente sono troppe
Un po’ di tempo fa, stava per piovere, uscii per andarmi a bagnare e
incontrai tua comare
L’acqua del cielo e l’acqua degli occhi, una sola acqua facevano in
quelle belle guance, e una sorgente di: “ahi ahi povera me!” le
sgorgava da quella bocca tira baci
Mi dice: “dalla gabbia mi è volato l’uccello, vorrei avere un
bambino e sposare un toro giovanotto”, io che quando non sono
stupido, sono assolutamente cretino, per non dire una minchia
ricoperta di neve, avevo capito possibilmente i tre dolori della
comare, quale era: la gabbia, l’uccello e lo scapolo da sposare
Non era la voce del cardellino che cercava e nemmeno la razza del
canarino e del pettirosso, che se li baci lasciano penne sulle
labbra (così ho sentito dire)
E poi non ce la facevo la comare della congrega dei bacia pile,
dovremmo fare come gli animali? Il maschio abbassa e la femmina
resta incinta?
Per l’uccello e il bambino vi posso aiutare, se cercate anche marito
non sono né ruffiano né sensale
Lei due volte non se lo fece ripetere e dentro pensava: “se poi
prima di pasqua non ci saremo sposati, Bartolo mio, per i miei
fratelli e i miei parenti….tu il capretto diventi!”
Sette! Quante?!? Sette! Allora no! Facciamo quattordici camicie l’infoiata
mi fece sudare, e forse voleva complimentarsi quando mi disse:
“probabilmente ti vorrei sposare”….
Al suo confronto sembravo poco pratico e imbranato, e ho il sospetto
che l’uccello di prima non era scappato ma, il povero animale tra le
cosce della comare è morto strozzato
Un istante prima di generare un bambino che mi somiglia uscii da
quella gabbia di fuoco per respirare, e il fiore che la comare
avrebbe voluto non potei annaffiarlo…
Apriti cielo la senza sangue cominciò a bestemmiare tutti i santi,
che anche Lucifero l’adocchiò: “A te bella…si proprio a te….non ho
nulla da insegnare!”
Mi disse: “scimunito di guerra che ha combinato? Mi hai accontentata
solamente per una cosa……dopo un giorno di entra ed esci ti sei già
stancato?”
Comare bella, morire tra le tue braccia sarebbe una gloria e un
vanto, e probabilmente gli amici mi farebbero anche martire e santo,
della morte che ogni maschio desidera non ho paura ma, tuo cugino
Gioacchino è assai pratico con l’uso dei coltelli oltre che pecoraio
di rinomata fama, a molti agnelli promettenti ha tagliato i così
detti….ecco la fine che non vorrei fare bella comare: quella del
castrato!
|
